Біблія

Новы Запавет / Сёмуха

Бокун Чарняўскі Станкевіч

Дзекуць-Малей Праваслаўны Каталіцкі Клышка Сабіла і Малахав

Стары Запавет

Коратка пра logos.by — Біблію на роднай мове

Па змаўчанні намі абраны тэкст Беларускай Бібліі ў перакладзе Васіля Сёмухі, які быў выдатным перакладчыкам і знаўцам беларускай мовы. Магчыма менавіта таму ён выкарыстоўваецца і ў літаратурных, і акадэмічны колах, як базавы. Таксама, мы сабралі амаль усе даступныя пераклады Бібліі на беларускай мове, а так жа яе частак.

Мэта праекта — захаваць і зрабіць даступнай спадчыну перакладчыкаў Бібліі, якія працавалі і працуюць на тэрыторыі Беларусі. Для гэтага мы хочам апублікаваць усе даступныя тэксты Святога Пісання, размясціць усе сканы (арыгіналы) перакладаў Евангелля, Новага Запавету, Бібліі. Сабраць інфармацыю пра саміх перакладчыкаў. Адным словам быць цэнтрам дадзеных, якія адносяцца да беларускай біблеістыкі.

Поўныя пераклады:

1. Пераклад Антонія Бокуна,
   за аснову ім быў узяты Textus Receptus і масарэцкі тэкст СЗ;
2. Біблія ў перакладзе Уладзіслава Чарняўскага,
   за аснову ім быў узяты тэкст Бібліі тысячагоддзя;
3. Біблія ў перакладзе Васіля Сёмухі,
   за аснову ім быў узяты Сінадальны текст;
4. Бібля ў перакладзе Яна Станкевіча.

Пераклады Новага Запавету +

1. Пераклад Дзекуць-Малея і Антона Луцкевіча;
2. Пераклад Анатоля Клышкі;
3. Пераклад праваслаўнай царквы;
4. Пераклад Каталіцкага Касцёла;
5. Пераклад Сабілы і Малахава.

Пераклады асобных кніг

1. Пётра Татарыновіча — Большая частка Новага Запавета.
2. Вінцэнта Гадлеўскага — Эванэліі і Дзеі.
3. Vincent Hadleuski — Čatyry Evangelii i Apostalskija Dzei, арыгінальны тэкст.
4. Міхася Міцкевіча — Евангельле.
5. Леў Гарошка — Частка Евангелля.
6. Яна Пятроўскага — Паводля Яна, кнігі Руты, Ёэля, Ёны.
7. Аляксандара Надсана — Псалтыр і кніга Ёны.
8. Сяргея Сурыновіча — кніга Роду.
9. Міхаіла Астапчыка — Псалцір.
10. Вацлава Ластоўскага — Песьні Песьняў.
11. Вітаўта Тумаша — кніга Ёны.
12. Леаніда Галяка — некаторыя кнігі Старога Запавету.
13. Язэпа Германовіча — Кніга псальмаў.
14. Новая беларуская Біблія — Першыя раздзелы Роду.
15. Сяргея Шупы — Песьня Песьняў і Кніга Ёны.
16. Віленскі кодэкс 262 — Кніга Рутъ, Песьня Песьняў.
17. Васіля Цяпінскага — паводле Матфея і Марка.
18. Францішка Скарыны — Экклезыяст і Песнь песням.

Працуем і плануем:

1. Пакутные псалмы. Язэп Германовіч.
2. Псалмы. Вацлав Пануцэвіч.
3. Адсутнічаі кнігі. Пётр Татарыновіч.
4. Evanelija & Listy (latinka). Piotr Tatarynovic.

Скарачэння для назваў перакладаў

• Аст. — Міхаіла Астапчыка.
• Бк. — Антонія Бокуна.
• БПЦ. — Праваслаўнай царквы.
• Гд. — Вінцэнта Гадлеўскага.
• Гер. — Язэпа Германовіча.
• ДзМ. — Дзекуць-Малея і Антона Луцкевіча.
• Кл. — Анатоля Клышкі.
• Міц. — Міхася Міцкевіча.
• Над. — Аляксандара Надсана.
• Пят. — Яна Пятроўскага.
• РКК. — Рыма-Каталіцкага Касцёла.
• Ск. — Францішка Скарыны.
• Сём. — Васіля Сёмухі.
• Ст. — Яна Станкевіча.
• СіМ. — Эрнста Сабілы і Сяргея Малахава.
• Тат. — Пётра Татарыновіча.
• Чар. — Уладзіслава Чарняўскага.
• Тяп. — Васіля Цяпінскага.
• 262 — Віленскі кодэкс 262.

Планы на будучыню

• Сабраць і размясціць сканы арыгінальных выданняў. Каб спецыялісты маглі звярнуцца да тэксту, ведаць на якой старонцы які тэкст публікаваўся. Мець магчымасць для складання бібліяграфіі.
• Размясціць максімальна поўную інфармацыю аб перакладчыках і гісторыю саміх перакладаў.
• Дапоўніць сайт: падрадковымі тэкстамі, слоўнікамі, энцыклапедыямі і іншымі даведачнымі матэрыяламі.

Логас (λόγος) — у перакладзе з грэцкай мовы азначае «слова». Для нас, хрысціян яго значэнне апісана ў першых радках Евангелля ад Яна: «На пачатку было Слова, і Слова было ў Бога, і Слова было Богам». Нашы думкі і словы павінны грунтавацца на Слове. Яго мы і прапануем вам вывучаць.

Сайт biblia.by (logos.by) — пераемнасць bible.by, менавіта таму знешні выгляд, функцыі блізкія. Гэта зроблена, каб было зручна карыстацца абодвума сайтамі. Каб адзін быў працягам іншага. Але ёсць і адрозненні, у прыватнасці ў кантэксце. І тут, як асноўны інструмент, мы паклалі сімфонію, дакладней сімфоніі, для кожнага перакладу Бібліі або Новага Запавету. Мы запусціліся 18 лютага 2023 года. Бліжэйшыя пару месяцаў мы будзем знаходзіцца ў перыядзе тэставання, калі будзеце заўважаць памылкі або багі, напішыце нам пра іх на bible-man@mail.ru