Але Ты, Госпадзе, шчыт для мяне, Ты слава мая і падыймаеш галаву маю.
Трымае шчыт мой Той, хто шчырых сэрцам ратуе.
Мой Бог — апора мая, у Яго я шукаю прытулішча; Ён шчыт мой, рог збаўленьня майго і замчышча маё!
Шлях Божы дасканалы; слова Госпада чыстае; Ён — шчыт для ўсіх, хто на Яго спадзяецца.
І даў Ты мне шчыт збаўленьня Твайго, і правіца Твая падтрымлівала мяне, а ласкавасьць Твая ўзвышала мяне.
Госпад — заслона мая і мой шчыт; на Яго спадзявалася сэрца маё, і Ён успамог мяне; і ўзрадавалася сэрца маё, і песьняй маёю дзякаваць буду Яму.
Чакае душа наша Госпада: Ён — помач нам і Ён — шчыт паш.
Вазьмі шчыт і зброю ды ўстань на падмогу мне.
Не забівай іх, каб мой народ не забыўсяі Расьцяруш іх сілай Тваёй і адкінь іх, наш Госпад і шчыт!
Там Ён скрышыў стрэлы луку, шчыт і меч ды вайну. (Зэля)
Бо Госпад ёсьць сонца і шчыт; Госпад ласку дае і славу, дый не адмовіць дабра аніякага тым, што ў беззаганнасьці ходзяць.
Бо ад Госпада шчыт наш, і ад Сьвятога Ізраілявага цар наш.
Пер’ем Сваім закрывае цябе, і пад крыльлем Ягоным схаваешся; праўда Яго — шчыт і заслона.
Ізраілю! Ты спадзявайся на Госпада: Ён нам і помач і шчыт наш!
Доме Ааронавы, спадзявайся на Госпада: Ён наша помач і шчыт наш!
Вы, што Госпада баіцёся, спадзявайцеся на Госпада: Ён наша помач і шчыт наш!
Ты — заслона мая і мой шчыт, на слова Тваё спадзяюся.
