Ён памераў меральным прутом усходнюю старану, намераў пяцьсот прутоў меральным прутом навокал.
Памераў паўночную старану, намераў пяцьсот прутоў меральным прутом навокал.
Ён памераў паўднявую старану, намераў пяцьсот прутоў меральным прутом.
Зьвярнуўшыся да заходняе стараны, намераў пяцьсот прутоў меральным прутом.
З чатырох бакоў памераў яго; сьцяна яго навокал, навокал была пяцьсот прутоў удаўжкі і перак пяцьсот прутоў, каб аддзяліць сьвятое ад будзеннага месца.
Як будзеце дзяліць жэрабям зямлю на спадак, абрачыце аброк СПАДАРУ, сьвятую дзель зямлі ўдаўжкі дваццаць пяць тысячаў прутоў і ўшыркі дзесяць тысячаў; гэта сьвятое месца ў вусіх граніцах яго навокал.
І ля граніцы Юды ад усходняе стараны аж да стараны заходняе будзе аброк, каторы вы абрачыце, дваццаць пяць тысячаў прутоў ушыркі, а ўдаўжкі, як адна зь дзеляў, з усходняе стараны аж да стараны заходняе; і сьвятыня будзе сярод яго.
